Самарқанд вилоят ҳамда туманлараро маъмурий суди томонидан 2023 йил мобайнида давлат органлари ва ташкилотлари, уларнинг мансабдор шахсларининг ноқонуний чиқарилганлиги учун бекор қилинган қарорлари тўғрисида маълумот.
Ўзбекистон Республикаси Президентининг 2023 йил 27 ноябрдаги “Коррупцияга қарши курашиш тизимини янада такомиллаштириш ҳамда давлат органлари ва ташкилотлари фаолияти устидан жамоатчилик назорати тизими самарадорлигини ошириш чора-тадбирлари тўғрисида”ги Фармони билан Коррупцияга қарши курашиш бўйича 2023-2024 йилларга мўлжалланган давлат дастури тасдиқланган бўлиб, унга кўра маъмурий тартиб-таомиллар соҳасида коррупциянинг олдини олиш борасида суд органлари зиммасига муҳим вазифа юклатилган.
Хусусан, судлар томонидан давлат органлари ва ташкилотларнинг, уларнинг мансабдор шахсларининг бекор қилинган ноқонуний қарорлари тўғрисидаги маълумотларни жамоатчилик учун очиқлигини таъминлашга оид чора-тадбирлар ташкил қилиш, судлар томонидан давлат органлари ва ташкилотларининг мансабдор шахсларининг ноқонуний чиқарилганлиги учун бекор қилинган қарорлари тўғрисидаги маълумотларни судларнинг расмий веб сайтларида ва Telegram–каналларида эълон қилиб бориш белгиланган.
Самарқанд туманлараро маъмурий суди томонидан 2023 йил мобайнида давлат органлари ва ташкилотлари, уларнинг мансабдор шахсларининг чиқарган қарорларини ҳақиқий эмас деб топиш билан боғлиқ жами 702 та иш кўрилган бўлиб, шундан 348 та иш бўйича аризачилар қаноатлантирилган,
254 таси рад этилган, 56 таси кўрмасдан қолдирилган ҳамда 41 таси бўйича иш юритишдан тугатилган.
Суд мажлисларида аниқланган ва мансабдор шахслар (жавобгар) томонидан йўл қўйилган хато ва камчиликларни бартараф этиш ҳамда келгусида бундай ҳолатларга йўл қўйишнинг олдини олиш мақсадида мазкур тоифадаги кўриб тамомланган ишлар юзасидан жами 56 та хусусий ажримлар чиқарилиб, тегишли давлат органларига муҳокама қилиш учун юборилган.
«Менинг маҳаллам менинг судьям» шиори остида маҳаллада аҳоли билан ушрашув ўтказилди
Самарқанд вилоят маъмурий судининг судьяси А.Тошпулатов томонидан 2022 йил 1 август куни «Менинг маҳаллам менинг судьям» шиори остида Самарқанд шаҳридаги «Гулистон» маҳалла фуқаролар йиғинида яшовчи аҳоли билан учрашди. Учрашувда судья А.Тошпулатов томонидан маъмурий судлар фаолияти ҳақида фуқароларга тушунтиришлар берилди. Бундан ташқари маҳаллада яшовчи фуқароларга суд ҳуқуқ соҳасида амалга ширилган ва амалга оширилиши кутилаётган ислохотлар ҳақида маълумтлар берилди. Учрашувда фуқароларнинг ўзларини қизиқтирган саволларга судья А.Тошпулатов томонидан атрофлича жавоб берилди.
Маъмурий судлар ва давлат ижрочилари ўртасида семинар-тренинг ўтказилди
2022 йил 11 июнь куни Ўзбекистон Республикаси Судьялар олий кенгаши, унинг ҳузуридаги Судьялар олий мактаби ҳамда Олий суд ҳамкорлигида Бош прокуратура ҳузуридаги Мажбурий ижро бюроси органларининг қарорлари ва ҳаракатлари (ҳаракатсизлиги) билан боғлиқ низоларнинг судларда кўриб чиқилиши ва унинг ўзига хос хусусиятлари юзасидан ташкил этилди.
Семинар-тренингда Қорақалпоғистон Республикаси, Тошкент шаҳри ва барча вилоятлар маъмурий судлар судьялари, жойлардаги Мажбурий ижро бюроси органлари масъул ходимлари онлайн тарзда иштирок этишиб, муҳокамалар юзасидан ўзларининг фикрларини билдириб ўтишди.
Ургут туманида суд раислари ҳамда судьялар томонидан сайёр қабул ўтказилди.
Жорий йилнинг 09 июнь куни Ургут туманида фуқароларни қийнаб келаётган масалаларни ҳал этиш мақсадида суд раислари ҳамда судьялар иштирокида сайёр қабул ўтказилди. Сайёр қабулда Самарқанд туманлараро маъмурий судининг судьяси У.Вахабова хам фуқароларнинг мурожаатлари бўйича уларга ҳуқуқий тушунтиришлар берди.
Навбатдаги Семинар-тренинг Монополияга қарши курашиш органлари билан биргаликда бўлиб ўтди.
Тошкент шаҳрида Ўзбекистон Республикаси Судьялар олий кенгаши, унинг ҳузуридаги Судьялар олий мактаби ҳамда Олий суд ҳамкорлигида Давлатимиз раҳбарининг 2022 йил 29 январдаги 107-сонли “Давлат органлари билан муносабатларда фуқаролар ва тадбиркорлик субъектлари ҳуқуқларининг самарали ҳимоя этилишини таъминлаш ҳамда аҳолининг судларга бўлган ишончини янада ошириш чора-тадбирлари тўғрисида”ги қарорида белгиланган вазифалар ижросини таъминлаш мақсадида жорий йилнинг 20 апрелида бошланган маъмурий судлар фаолияти ва уларнинг жамиятда қонунийликни таъминлашдаги роли мавзусида ўтказиб келинаётган семинар-тренингнинг навбатдаги сони бўлиб ўтди.
Семинарда Қорақалпоғистон Республикаси, Тошкент шаҳри ва барча вилоятлар маъмурий судлар судьялари ва Монополияга қарши курашиш органлари масъуллари онлайн тарзда иштирок этишди.
Шунингдек Семинарда Самарканд вилоят маъмурий судининг раиси Т.Файзиев хам ўз маьрузаси билан чиқиш қилди.
Самарканд туманлараро маъмурий суди томонидан Самарканд туманидаги «Аёллар дафтари»га киритилган хотин-қизларга ҳуқуқий ёрдам кўрсатиш мақсадида учрашув ўтказилди.
Самарканд туман Хаймариболо махалласида «Аёллар дафтари»га киритилган хотин-қизларга уларни қийнаб келаётган муаммолар юзасидан ҳуқуқий тушунтиришлар берилди.
