SAMARQAND VILOYAT MA’MURIY SUDI
SAMARQAND VILOYAT MA’MURIY SUDI
Viloyat ma’muriy sudining raisi T.Fayziyev 2021 yil 1 dekabrь kuni halq qabulxonasida sayyor qabul o’tkazdi. Sayyor qabulda fuqarolarning murojaatlariga huquqiy tushuntirishlar berildi
Ma’lumki, O’zbekistonda «Gender asosidagi zo’ravonlikka qarshi 16 kunlik faol harakatlar» qo’shma kampaniya ish boshlagan. 22 noyabrь kuni “Zo’ravonlikka qarshi birgalikda kurashamiz” shiori ostida 16 kunlik qo’shma kampaniyaning boshlanishiga bag’ishlangan tadbir bo’lib o’tdi.
Butun mamlakat bo’ylab o’tkazilayotgan ushbu kampaniya doirasida ayollarning huquqlari va manfaatlarini himoya qilish, ularga nisbatan zo’ravonlik holatlarining oldini olish, xotin-qizlarni jamiyatdagi mavqeini oshirishga qaratilgan tadbirlar o’tkazilayapti. Ularda aholining barcha qatlamlari faol ishtirok etmoqda. Samarqand viloyat ma’muriy sudi va Samarqand tumanlararo ma’muriy sudi sudьyalari Samarqand shahridagi Samarqand yuridik texnikumi o’qituvchilari va talabalari bilan ana shu mavzuda davra suhbati o’tkazdilar.
Birgina joriy yilda O’zbekistonda oiladagi zo’ravonlikning oldini olish tizimini takomillashtirish bo’yicha 8 ta normativ-huquqiy hujjat qabul qilingan. Sog’liqni saqlash vazirligi, Oliy va o’rta maxsus ta’lim vazirligi tomonidan “Tazyiq va zo’ravonlikdan jabrlanuvchilarga tibbiy ruhiy yordam ko’rsatish bo’yicha” o’quv qo’llanmasi yaratildi. “Ayollar daftari”ga kiritilgan xotin-qizlarning huquqlari va qonuniy manfaatlari buzilganligi to’g’risida murojaat qilgan 74 mingdan ortiq xotin-qizlarga sohaning yetuk mutaxassislari tomonidan huquqiy yordam ko’rsatildi. “Ayollar daftari”dagi tazyiq va zo’ravonlikdan jabrlangan, ijtimoiy muammolari mavjud 71 mingdan ziyod xotin-qizlarga malakali psixologlar tomonidan psixologik yordam ko’rsatilgan. Bu fakt va dalillar davra suhbatida sudьyalar tomonidan ma’lum qilindi.
Shuningdek, davra suhbatida sudьyalar Korruptsiyaga qarshi kurashish mavzusida ham ma’ruza qilib, korruptsiya mamlakatning har jabhasini yemiradigan o’ta salbiy illat ekanligi, uning oldini olish va unga qarshi kurashishga har birimiz mas’ul ekanligini ta’kidladi.
Davra suhbati savol-javoblar, fikr-mulohazalarga boy bo’lib, qiziqarli o’tdi.
2021 yil 25 noyabrь kuni Samarqand viloyat sudi raisi hamda viloyat ma’muriy sudi birgalikda Samarqand shahrida fuqarolar uchun sayyor qabul o’tkazishdi. Sayyor qabulda fuqarolarning murojaatlari tinglanib ularni qiynab kelayotgan muammolar yuzasidan huquqiy tushuntirishlar berildi.
Ustoz shogirdlik an’anasi kasbga fidoiylarni, haqiqiy professional kadrlarni tayyorlash maktabidir. Samarqand viloyat sudida uch avlod uchrashuvi tashkil etildi. Tadbirda pensiyadagi faxriylar, bugungi kunda faoliyat ko’rsatayotgan sudyalar va yosh avlod bo’lmish sud xodimlari ishtirok etdi.
Tadbir xushxabar bilan boshlandi. Viloyatimizda yana to’rtta pensiya yoshidagi sudya va sud xodimlariga “O’zbekiston sud faxriysi” guvohnomasi taqdim etildi.
Shu munosabat bilan mazkur uch avlod uchrashuvida guvohnomalar o’z sohiblariga shogirdlar ishtirokida tantanali ravishda topshirildi.
Viloyat sudi raisi O. Hayitov tadbirni kirish so’zi bilan ochib, ustozlarni yuksak e’tirof bilan tabrikladi. Ularning sharafli mehnat faoliyati haqida so’z yuritib, bugungi kunda ham shogirdlarga yo’l-yo’riq ko’rsatib katta ko’mak berishayotganlarini ta’kidladi.
Shundan so’ng, bugun pensiyada keksalik gashtini surayotgan Gulnora Bahriyeva va Shoista Jalilova hamda viloyat sudi sudyasi Muhiddin To’xtayev, fuqarolik ishlari bo’yicha Samarqand shahar sudi raisi To’lqin Usmonovga O’zbekiston sud tizimi faxriylar markazining “O’zbekiston sud faxriysi” guvohnomasi, shuningdek kitoblar jamlanmasi va gullar tantanali ravishda topshirildi.- 1976 yilda o’qishni tugatib, Samarqand tuman sudiga ishga kelganman. Shu bilan roppa rosa qirq yil uzluksiz ishlab, 2016 yilda yorug’ yuz bilan pensiyaga chiqdim, – dedi sud faxriysi Shoista Jalilova. – Biz ishlagan davrlarda hozirgidek sharoitlar bo’lmagan. Bino eski, zax, qishda sovuq bo’lardi. Jihozlar ham, sharoitlar ham haminqadar edi. Lekin biz kasbimizni sevganimizdan hech qachon nolimaganmiz, sadoqat bilan, fidoyilik bilan ishlaganmiz. Chunki sud shunday nufuzli organ, unga sodiq bo’lish kerak, loyiq bo’lish kerak. Bugungi bu shart-sharoitlarni, sudьyalarga bo’lgan e’tiborni qadriga yetib, har qancha fidokorlik bilan, sadoqat bilan ishlasangizlar arziydi. Biz keksalarga berilgan e’tibor uchun Prezidentimizga, Oliy sud va Sudyalar oliy kengashiga hamda viloyat sudi rahbariyatiga cheksiz minnatdorchilik bildiramiz.
Tadbirda viloyat sudi Faxriylar kengashi raisi I. Saidov, viloyat sudi sudyalari so’zga chiqib faxriylarni qutladilar. Yosh xodimlarga nasihat qilib, omadlar tiladi. Bugun yurtimizda mazkur sohada ro’yobga chiqarilayotgan o’zgarishlarning mohiyati va ahamiyati haqida alohida to’xtalib o’tdilar.
Tadbir juda samimiy va ko’tarinki ruhda o’tdi. Yosh avlod vakillari ustozlar yo’lidan borib, shunday ulug’ e’tirofga loyiq bo’lishni niyat qilishdi.
Viloyat ma’muriy sudining raisi T.Fayziyev 6 oktyabrь kuni halq qabulxonasida sayyor qabul o’tkazdi. Sayyor qabulda fuqarolarning murojaatlariga huquqiy tushuntirishlar berildi
O‘zbekiston Respublikasi Oliy sudi raisining 2021 yil 27 fevral’ kuni kengaytirilgan tarzda o‘tkazilgan Oliy sud Rayosati yig‘ilishida belgilangan vazifalar hamda Oliy sud raisining 2021 yil 9 mart kuni tasdiqlagan yo‘l xaritasining 144-bandi ijrosini ta’minlash maqsadida viloyat ma’muriy sudi raisi T.Fayziev tomonidan 17.09.21 yil Narpay xamda Paxtachi tuman fuqarolari uchun Narpay tumanidagi Musiqa kollejida o‘tkazilgan sayyor qabul jarayonida fuqarolar qabul qilinib ularga huquqiy maslaxat berildi
2021 yil 8 sentyabr’ kuni viloyat ma’muriy sudining raisi T.Fayziev Samarkand viloyat Xalq qabulxonasida sayyor qabul o‘tkazdi, qabul davomida fuqarolarga huquqiy tushuntirishlar berildi.
Вилоят маъмурий суди раиси Т.Файзиев томонидан 23.09.21 йил Булунғур туман фуқаролари учун Булунгур туманидаги, Булунгур махалла маркази биносида ўтказилган сайёр қабул жараёнида жами фуқаролар қабул қилиниб уларга ҳуқуқий маслахатлар берилди.
Joriy yilning 24 sentyabr kuni Samarqand viloyat ma’muriy sudining majlislar zalida sudyalar hamda Soliq idoralari xodimlari bilan birgalikda seminar o’tkazildi. Seminarda Soliq kodeksining qo’shilgan qiymat solig’i hamda kameral tekshiruviga oid boblarini amaliyotga qo’llash va amaliyotda yuzaga kelayotgan nizolar yuzasidan ko’shma seminar uchrashuvi bo’lib o’tdi seminarda viloyat va tumanlararo ma’muriy sudi raisi va sudyalari, viloyat soliq boshqarmasi, viloyat adliya boshqarmasi va biznes-ombudsmanning viloyatdagi vakillari ishtirok etib, kun tartibidagi masalalar bo’yicha seminar qatnashchilari hamda sudyalar o’rtasida savol javoblar bo’lib o’tdi
Farg‘onada sudlar tomonidan o‘tgan yilda 6 nafar fuqaroga nisbatan tergov organi tomonidan qo‘yilgan nohaq ayblovlar bekor qilinib, ularning barchasiga birinchi instansiya sudlari oqlov hukmlarini chiqargan.
Shuningdek, ushbu davrda 719 nafar shaxsga nisbatan 470 ta jinoyat ishi bo‘yicha dastlabki tergov organi tomonidan qo‘yilgan ayblov o‘zgartirilib (modda to‘liq ayblovdan chiqarilgan, modda qismi yoki bandi chiqarilgan yoki boshqa moddaga malakalanib hukm chiqarilgan) hukm o‘qildi.
Bu ma’lumotni Farg‘ona viloyati sudi raisi Shuhrat Kamolov xalq deputatlari viloyat kengashining sessiyasidagi viloyatda sudlar tomonidan fuqarolar huquqlari va erkinliklari, shuningdek, korxonalar, muassasalar, tashkilotlarning huquqlari va qonun bilan qo‘riqlanadigan manfaatlarini sud yo‘li bilan himoya qilish borasida 2020 yilda amalga oshirilgan ishlar va 2021 yilda ko‘riladigan chora-tadbirlar haqidagi axborotida aytib o‘tdi.
Odil sudlovni amalga oshirish, fuqarolarning huquq va erkinliklarini himoya qilish borasida viloyat sudlari tomonidan 2020 yil davomida muayyan ishlar amalga oshirilgan. Xususan, o‘tgan yil davomida jinoyat ishlari bo‘yicha Farg‘ona viloyat sudi va tuman (shahar) sudlari tomonidan jami 5 ming 282 nafar shaxsga nisbatan 4 ming 310 ta jinoyat ishi tamomlangan.
Tahlillar sudda ko‘rilgan mazkur shaxslarning 1 ming 78 nafari yoki 20,4 foizi muqaddam sudlangan shaxslar ekani, shuningdek, jinoyatlar asosan ichkilikbozlik, ishsizlik, oilaviy va qo‘shnilar o‘rtasidagi kelishmovchiliklar oqibatida kelib chiqayotganligini ko‘rsatmoqda.
Xususan, jinoyat ishlari bo‘yicha Farg‘ona shahar sudining 2020 yil 3 dekabrdagi hukmiga ko‘ra, A.Kojanova O‘zbekiston Respublikasi Jinoyat Kodeksi 97-moddasining 1-qismi (qasddan odam o‘ldirish) bilan Jinoyat Kodeksining 57-moddasi qo‘llanib, 7 yil ozodlikdan mahrum qilish jazosini olgan.
Mazkur jinoyat ishi bo‘yicha sudlanuvchining shaxsiga oid ma’lumotlar o‘rganilganida A.Kojanova muqaddam bir necha bor sudlanganligi, jinoyat sodir qilingan vaqtda vaqtincha ishsiz bo‘lgani, nikohi sud tomonidan bekor qilingan bo‘lib, 3 nafar farzandi borligi, Farg‘ona shahri, Yuksalish ko‘chasi, 84-uy, 5-xonadonda doimiy ro‘yxatda tursada, jinoyat sodir etilgan vaqtda Farg‘ona shahri, A.Yassaviy ko‘chasi, 40/B-ko‘p qavatli uy balkoni ostida yashab kelgani ma’lum bo‘ldi.
Bu esa, o‘z navbatida, ichki ishlar idoralari xodimlari va mahalla fuqarolar yig‘inlari hamkorligida joylarda aholi o‘rtasida, xususan, muqaddam sudlanganlar bilan profilaktik tadbirlar yetarli darajada olib borilmayotganligini ko‘rsatmoqda. Shuningdek, mutasaddi tashkilotlar tomonidan mazkur fuqaroning muammolariga yetarlicha e’tibor qaratilmaganligidan, uni ish va yashash joyi bilan ta’minlash choralari ko‘rilmaganligidan dalolat beradi.